බිත්තරය

මම අනුන් ලූ බිජුවටක් රකිමින් සිටිමි.උණුසුම් ප්‍රේම ඉන්ක්යුබේටරයක ලා ප්‍රශස්ත තත්ව යටතේ එකී නම නොදන්න බිජුවටය කල එළි බසින තෙක් දින ගනිමි.

ශක රාජ වසක් ගෙවී ගියේ යැ.............

සදෙව් ලෝ අසුරු සැනක් ගැසිණි!

නිකන් ඉන්ටම බැරි හිත් නියනට මිටිපහරක්...

එක කැටයමක්,දෙකක්,තුනක්,

හංස පූට්ටුවක්..............

කැටයම අවසන බිත්තරය අතුරුදන්ව තිබිණි.

බිත්තරය කෝකියා අතේය.

කල එළි බසින්ට සිටි සිඟිති කුරුලුවා වෙනුවෙන් වූ පණු කූඩයද,පොරි මල්ලද ගිලිහිණි.

කාමරය පුරා පොප් කෝන් ය.

බුල්සයි කිරීම හෝ ඔම්ලට් සෑදීම ඔහුම තීරණය කරණු ඇත.

මම හංස පූට්ටුව දෑතට හිර කර ගතිමි.

හෙට කතාන්දරය හංස පූට්ටුව වෙනුවෙනි.